Tokio qorongʻisida dahshatli maxluqlar — gʻullar kezib yuradi. Ularning yagona maqsadi — tunda tushadigan ochlikni qondirish. CCG tashkiloti esa odamlarni bu qonxoʻrlardan himoya qilish uchun tuzilgan. Lekin eng yomoni — gʻullar inson qiyofasiga kirib, oramizda yashashadi. Bu esa ularga ov qilishni yanada osonlashtiradi. Oddiy talaba Ken Kaneki kutilmaganda bu ikki dunyo oʻrtasida qoladi. Qahvaxonada uchrashgan dilbar qiz toʻsatdan uni tiriklayin yemoqchi boʻlgan vahshiy gʻulga aylanadi. Kasalxonada koʻz ochgan Ken operatsiyadan soʻng yarim-gʻulga aylanganini bilib qoladi. Inson goʻshtiga boʻlgan dahshatli chanqoq bilan kurashayotgan yigitga qahvaxona boshqarayotgan hamxayrixoh gʻullar qoʻl uzatadi. Hammasi iziga tushgandek edi... Ammo yoʻq. Ken beixtiyor oʻzining yangi doʻstlari va CCG oʻrtasidagi shafqatsiz urush girdobiga tortiladi. Uning mavjudligining oʻzi esa butun Tokio gʻullari eʼtiborini torta boshlaydi.